ក្រុមហ៊ុន​កូរ៉េ​ខាង​ត្បូង Samsung ប្រកាស​ចេញ​នូវ​ប្រភេទ SSD ខ្នាត​តូច​ឲ្យ​ឈ្មោះ T7 Touch ដែល​មាន​ចំណុច​ពិសេស​ត្រង់​ប្រព័ន្ធ​ការពារ​សុវត្ថិភាព ​ផ្តល់​ទំនុក​ចិត្ត​ក្នុង​ការ​រក្សា​ទុក​ឯកសារ​របស់​អ្នក ទោះ​អ្នក​ចៃដន្យ​ធ្វើ​ឲ្យ​បាត់​ឬ​ភ្លេច​វា​នៅ​កន្លែង​ណា​មួយ​ក៏​ដោយ ។ T7 Touch ជា​ម៉ូឌែល​​បន្ត​ពី T5 កាល​ពី​ឆ្នាំ​ទៅ ដោយ​ជំនាន់​ក្រោយ​នេះ​ផ្តល់​ជូន​នូវ​ប្រព័ន្ធ​ស្កេន​ខ្ចៅ​ដៃ (​បាន​ដល់​ទៅ 4 ម្រាម​ដៃផ្សេង​​គ្នា) និង​ប្រព័ន្ធ Encryption AES 256-bit ជាមួយ​នឹង​ការ​បន្ថែម​លេខកូដ​សម្ងាត់​ចាក់​សោ​ឧបករណ៍​ទៀត​ផង ។ ល្បឿន Write speed ឡើង​ដល់ 1,000MB/s ខណៈ Read speed ឡើង​ដល់ 1,050MB/s ពោល​គឺ​ទ្វេ​ដង​បើ​ធៀប​នឹង​ជំនាន់​ឆ្នាំ 2019 ។ ដែលភ្ជាប់ជាមួយ​រន្ធ​ដោត USB-C ទៅ USB-C និង USB-C ទៅ USB-A ដែលអាច​មានល្បឿន​ដំណើរការ​ដល់​ទៅ 10Gbps ជាមួយ​ USB 3.2 (Gen 2)។

សម្រាប់​តម្លៃ​គឺ​ផ្អែក​ទៅ​តាម​ជម្រើស​ទំហំ​នៃ SSD នីមួយៗ ដោយ ៖
​ទំហំ 500GB = 129$
ទំហំ 1TB = 229$
​ទំហំ 2TB = 399$