កាលពីយប់មិញនេះ ដែលត្រូវជាថ្ងៃទី 12 ចូលថ្ងៃទី 13 វេលាម៉ោង 12AM (យប់ក​ណ្តា​ល​អធ្រាត្រ) ក្រុមហ៊ុន Xbox និងក្រុមហ៊ុន Bethesda បានរៀបចំឡើងនូវព្រឹត្តិការណ៍ដ៏ធំមួយ ដើម្បីដាក់បង្ហាញពីហ្គេមថ្មីៗជាច្រើនមែនទែន។ សម្រាប់ការប្រកាសចេញទាំងអស់នោះ គឺមានសរុបរហូតដល់ទៅខ្ទង់ 50 ហ្គេមឯណោះ ដោយភាគច្រើនក៏នឹងមានដាក់បញ្ចូលក្នុងសេវាកម្ម Game Pass របស់ Xbox ផ្ទាល់ថែមទៀតផង។

ហ្គេមកំពុងមានអ្នករង់ចាំច្រើនបំផុត គឺប្រទះឃើញថារួមមានដូចជាហ្គេម Starfield, Dead Space បង្កើតថ្មីឡើងវិញ, Overwatch 2 និង Forza Motorsport ជាដើម។ លើសពីនេះទៅទៀត Riot Games ក៏បានសហការជាមួយ Xbox ដោយកំពុងត្រៀមផ្ដល់ជូនតួអង្គ Champions ទាំងអស់ដោយឥតគិតថ្លៃ (Free) សម្រាប់អ្នកប្រើប្រាស់សេវាកម្ម Game Pass ទៅលើហ្គេម League of Legends PC, League of Legends: Wild Rift, Valorant ព្រមទាំងការផ្ដល់ជូនផ្សេងៗទៀត សម្រាប់ហ្គេម Teamfight Tactics និង Legends of Runeterra នៅក្នុងឆ្នាំ 2023 ខាងមុខនេះ។ អ្នកទាំងអស់គ្នា អាចពិនិត្យមើលហ្គេមថ្មីៗទាំងអស់ ដែលបានបង្ហាញខ្លួននៅព្រឹត្តិការណ៍ដ៏ធំមួយនេះ តាមរយៈរូបភាពខាងក្រោមនេះបាន។

ហេតុដូច្នេះហើយ តើអ្នកទាំងអស់គ្នាកំពុងតែរង់ចាំ និងចាប់អារម្មណ៍លើហ្គេមមួយណាជាងគេ ក្នុងចំណោមហ្គេមថ្មីៗទាំងអស់នេះ?